فات القطار ومضى
والي جرى علينا جرى
هيهات ينفع ندم
خلينا نرجع ورا
ندور اعلى السبب
ياصاحبي الزعلك
انجان عندي الغلط
ادريك كلبك بحر
والحب عندك نهر
من عنده تسكيني
سامحني ياصاحبي
وخل عينك بعيني
عذال ذوول الوشوا
والفرقو مابينك وبيني
تفهمني ياصاحبي
انطيتك سنيني
والحب عدنه عمر
خلفنا منه الشوك
شيدنا منه قصر
خلينا نصعد فوك
ونباوع اعلى النجم
هم يوم مختلفين
والكمر هو الابو
والشمس هي الام
والسما تلمهم سوا
شكد حلو متصافين
تذكر سنين المضت
تتذكر اشكد حلو
من جنت تحجيلي
ابد مانفترك موبيدك بكيفي
شنهي التغير علي
لو تاهت سنيني
ندمان يوم الشفت
مكتوب من واشي
دزيته الكم غلط
بيه احركت روحي
واليوم هو اعتذر
بس مافكر بروحي
منين اجيبن دوا
ومن غيرك يداوي
ان جان ترضى العمر
يضيع بيد الغدر
واتشمت العذال
خلينا نكعد سوا
واشكيلك انا الحال
لاتنطي فرصة ابد
وتمكن الانذال
انا لجرحك دوا
وانت التداوي جروحي
تعال ياصاحبي
ضم روحك لروحي
ونعيش باقي العمر
ونزيل ذاك الهم
--------------------
ارتجالية من دموع العين
كتبتها
فعذرا
اخوكم عبد الستار الاديب
12\6\2015
ليست هناك تعليقات:
إرسال تعليق